२४ सप्टेंबरला शेकडो शेतकरी विधवा शहीद शेतकरी दशरथजी केदारी यांना वाहणार श्रद्धांजली - पंतप्रधान मोदीजींना लिहलेल्या पत्राची दाखल घेण्यासाठी करणार गांधीगीरी आंदोलन
दिनांक २४ सप्टेबर २०२२
आत्महत्या करण्यापुर्वी आपल्या सुसाईड नोट मध्ये शहीद दशरथ लक्ष्मण केदारी यांनी आत्महत्या करतांना लिहिले आहे की 'मी जिवनास कंटाळलो असून शेतीच्या कुठल्याच पिकाला बाजारभाव मिळत नसून कोरोना काळात बाजारभाव मिळाला नाही. त्यातच अतीपावसाने पिके वाया गेल्याने हाताला काम नसल्याने खर्चाची मारामार झाली. त्यात देणेदारीवाले थांबायला तयार नाहीत. कांद्याला योग्य भाव नाही. आम्ही भिक मागत नाही, काय करायचे ते सांगा'.'मोदी साहेब तुम्ही शेतीला हमीभाव दिला पाहीजेत. तुम्हाला शेतीवर कंट्रोल ठेवता येत नाही. शेतकरी काय करेल फायनान्सवाले दम देतात. पतपेढीवाले अपशब्द वापरतात. आम्ही कोणाकडे दाद मागायची. शेतकऱ्यासारखा जुगार कोण खेळत नाही. आज मी आत्महत्येस प्रवृत्त आहे. ते तुमच्या नकारतेमुळे. आम्हाला आमच्या हक्काचा बाजारभाव द्या, शेवटी तुम्हाला वाढदिवसाच्या शुभेच्छा मोदी साहेब', असे लिहित शेतकऱ्याने टोकाचा निर्णय घेतल्याचा उल्लेख केला आहे . खरतर राज्यकर्त्यांनी केलेली ही हत्याच व सदोष वधाचा खटला सरकारवर चालविला पाहीजे मात्र सध्या लोकशाहीचे सर्व स्तंभ निकामी करण्यात सरकार यशस्वी होत आहे व न्यायव्यवस्था ,नौकरशाही ,लोकप्रतिनिधी यांचा कणा संपूर्ण वाकला असुन आता आपणच आपल्या एकाधिकारशाहीने भारत चालवीत आहात म्हणून एकदा दशरथजी केदारी यांच्या भेट द्यावी यासाठी विनंती केली आहे जर तुम्ही वेळ काढू शकत नसाल, तर कृपया अर्थमंत्री निर्मला सीतारामन यांना या आठवड्यात त्यांच्या पुण्याच्या ३ दिवसांच्या सहलीदरम्यान मृत शेतकऱ्याच्या घरी/कुटुंबाला भेट देण्याचे निर्देश द्यावे अशी विनंती शेतकरी विधवा संघटनेच्या सचीव कविता सिडाम यांनी केली आहे
सरकारच्या चुकीच्या धोरणामुळे होणाऱ्या शेतकऱ्यांच्या आत्महत्या रोखण्यासाठी संकटाची मुळ कारणे लागवडीचा खर्चात अनियंत्रित वाढ ,फारच अपुरा हमीभाव ,पीककर्जाबाबत सरकारी बँकांचा नाकर्तेपणा ,पीक पद्धतीत पर्यावरणातील बदलला अनुसरण व भारताच्या १३० कोटी जनतेच्या लागणारे डाळी तेल अन्न इतर कृषी उपजांसाठी विषेय सवलती व प्रयन्त ,शेतकऱ्यांचे हित जपणारी पीकविमा योजना या सर्व बाबीवर तोडगा काढण्याचे आश्वासन मोदीजीनी दाभाडी वरून देशाला २०१४ मध्ये दिले होते व त्यांनी प्रामाणिकपणे या सर्वबाबींवर कायम स्वरूपी तोडगा काढण्यासाठी प्रयन्त सुद्धा केले मात्र बहुराष्ट्रीय कंपन्यांची चाकरी करणारी नौकारशाही व नालायक कृषी मंत्र्यांच्याभ्रष्ट कार्यशैलीने हे कृषी संकट फारच गडद झाले आहे व हेच मुद्दे शहीद दशरथ केदारी यांनी आपल्या सुसाईड नोट मध्ये उपस्थित केले असुन लक्ष वेधण्यासाठीच आपण देशाचे हे आंदोलन करीत असल्याची माहीती शेतकरी विधवा अपर्णाताई मालीकर व सरस्वतीबाई अंबरवारयांनी यावेळी दिली
===============================================================
No comments:
Post a Comment