अधिकाऱ्याच्या आग्रहामुळे राजेंद्र कुडमेथे यांचा बळी -पत्नी माया कुडमेथेचा आरोप

अधिकाऱ्याच्या आग्रहामुळे राजेंद्र कुडमेथे यांचा बळी -पत्नी माया कुडमेथेचा आरोप 

दिनांक -  २ डिसेंबर २०१८

माझे पती सहाय्यक पोलीस उपनिरीक्षक राजेंद्र कुडमेथे हे शनिवारी आजारी होते व रवीवारला आम्ही त्यांना दवाखान्यात घेऊन जाणार होतो मात्र मारेगावच्या ठाणेदारांनी फोनवर निरोप देऊन ड्युटीवर बोलावल्यामुळे व त्यांच्याकडे बिट नसतांना ऑफिसची ड्युटी असतांना अतिरेकी आरोपीला रात्री १२ वाजता गैरजामीनपात्र  पकड वारंट बजावण्यासाठी विनाशस्त्र पाठविल्यामुळे आपल्या पतीचा नाहक जीव गेले असा गंभीर आरोप  राजेंद्र कुडमेथे यांच्या सुविद्द्य पत्नी मायाताई कुडमेथे (सिडाम ) यांनी कै वसंतराव नाईक शेती स्वालंबन मिशनचे अध्यक्ष किशोर तिवारी त्यांच्या 

वणी येथील मेघदूत कॉलनीतील  निवासस्थानी   बुधवारला दिनांक २८ नोव्हेंबरला भेट दिली असता केला . 

यवतमाळ जिल्हातील मारेगाव तालुक्यातील हिवरी येथील  सहायक पोलीस उपनिरीक्षकाला ठार मारणाच्या  घटनेची गंभीर दखल महाराष्ट्राचे मुख्यमंत्री देवेंद्र फडणवीस यांनी घेत दिलेल्या सूचनेनुसार  हल्ल्यात मृत्यूमुखी पडलेले सहाय्यक पोलीस उपनिरीक्षक राजेंद्र कुडमेथे यांच्या वणी येथील मेघदूत कॉलनीतील  निवासस्थानी   बुधवारला दिनांक २८ नोव्हेंबरला कै वसंतराव नाईक शेती स्वालंबन मिशनचे अध्यक्ष किशोर तिवारी  भेट दिली  व कुटुंबाच्या लोकांना  मुख्यमंत्रांच्या निरोप व सरकारतर्फे श्रद्धांजली व सांत्वन करणार केले त्यावेळी  सहाय्यक पोलीस उपनिरीक्षक राजेंद्र कुडमेथे यांचे बंधू  धनराज बाजीराव कुडमेथे जे गडचिरोली जिल्ह्यात अहेरी येथे पोलीस उपनिरीक्षक आहेत तसेच राजेंद्र कुडमेथे यांचा एकुलता मुलगा पंकज यांनी पोलीसांच्या आदीवासी शिपाई वा जामदारांना देण्यात येणाऱ्या वागणुकीवर प्रचंड नाराजी व्यक्त केली . 

(राजेंद्र कुडमेथे यांच्या संवादाची व्हिडीओ क्लिप -  https://m.facebook.com/story.php?story_fbid=10210045077402639&id=1807691026    वर उपलब्ध आहे )

घटना रवीवारी २५ नोव्हेंबरला झाली मात्र २ डिसेंबरपर्यंत पोलीस महानिरीक्षक वा जिल्हा पोलीस अधीक्षक  यवतमाळ यांनी त्यांचा विभागाचा पोलीस अधिकारी ठार मारणाच्या  घटनेनंतरही साधी भेट दिली नसल्याची खंत मायाताईं यांनी यावेळी व्यक्त केली . केंद्रीय गृहराज्य मंत्री तीनवेळा घरासमोरून गेले मात्र घरी कां आले नाही असा सवालही केला कुटूंबियांनी यावेळी केला . आरोपीला पकडून त्याला फाशीची शिक्षा द्या ,एकुलता एक मुलगा पंकज याला त्यांच्या जागी तात्काळ नियुक्त करा व राजेंद्र कुडमेथे यांना शहीदाचा दर्जा देत निष्पाप मृत्यूसाठी नौकरीवर असतांना बलीदान झाल्यामुळे कुटुंबाला १ कोटीची मदत देण्यात यावी अशी मागणी मायाताई कुडमेथे -सिडाम यांनी यावेळी केली . 

त्यांच्या सोबत गेलेले ५ पोलिसांमधून २ पोलीस गाडीतच का बसुन होते व नंतर पळून का गेले त्यांना एकही शस्त्र का दिले नाही ,ठाणेदार मारेगावला झोपत का राहीले ,आजारी सहायक पोलीस उपनिरीक्षकाला जबरीने सकाळी जातो अशी विनंती असतांना का जबरीने पाठविले असा गंभीर सवालही मायाताई कुडमेथे यावेळी केला . 

सध्या गुंडेशाही दहशत  जिल्ह्यात  वाढत असुन शेकडो तडीपारीची प्रस्ताव राजकीय दबावाखाली प्रलंबित असुन जमीनीवर सुटून आलेले सराईत गुन्हेगार हैदौस घालीत आहेत आता या हैदौसाच्या त्रास पोलीस उपनिरीक्षकाला आपले प्राण गमावुन द्यावा लागला हा फक्त वरीष्ठ पोलीस व राजकीय नेत्यांच्या  हप्तेखाण्याच्या  सवयीमुळे वाढीला लागला आहे यावर गंभीर कायमस्वरूपी इलाज करण्यासाठी सर्व खंडणीकार कोळसा दारू यांची तस्करी गावात कायदा सतत मोडणारे रोड रोमियो व मजनु यांचेवर सरळ मोका लावण्यासाठी याद्या तयार करण्याचे आदेश मुख्यमंत्र्यानी दिले असल्याची माहीती किशोर तिवारी यांनी दिली 

वरळी मटका कायमचा बंद करा असे आदेश गृहराज्यमंत्री दिपक  केसरकर यांनी दिल्यावरही यवतमाळ जिल्ह्यात वरळी मटका पोलीस संरक्षणात सरेआम चालू असुन अनेक ठिकाणी लाचखाऊ आमदार वरळी मटका चालविण्यासाठी आग्रही असल्याची गंभीर तक्रार किशोर तिवारी यांनी गृहराज्यमंत्री दिपक  केसरकर यांना २६ नोव्हेंबरला मुंबईत भेटून केली तेंव्हा त्यांनी सरळ व्हिडीओ पाठविण्यास सांगीतले तरी यवतमाळ जिल्ह्यात जेथे जेथे वरळी मटका पोलीस संरक्षणात चालू आहे त्या ठिकाणचा तारीख व वेळ दाखविणारे व्हिडीओ व्हाट्सअप नंबर ९४२२१०८८४६ पाठविण्याची विनंती किशोर तिवारी यांनी केली आहे . 

===========================================================