Wednesday, January 28, 2015

आता यवतमाळ जिल्ह्यात दारूबंदीसाठी महिलांचा -चंद्रपूर जिल्याप्रमाणे "यवतमाळ जिल्ह्यात दारूबंदी करा" या मागणीसाठी ३० जानेवारीला उपोषण सत्ताग्रह"

आता यवतमाळ जिल्ह्यात दारूबंदीसाठी महिलांचा -चंद्रपूर जिल्याप्रमाणे   "यवतमाळ जिल्ह्यात दारूबंदी करा"  या मागणीसाठी  ३० जानेवारीला    उपोषण सत्ताग्रह"   

दिनांक २९ जानेवारी २०१५
यवतमाळ जिल्ह्याला लागून असलेल्या वर्धा आणि काही दिवसांपूर्वीच चंद्रपूर येथे शासनाने दारूबंदी जाहीर केल्यानंतर आता यवतमाळ जिल्हाही दारूमुक्त करावा, यासाठी महिला संघटना पुढे येत आहेत. २६ जानेवारी रोजी जिल्ह्यातील गावोगावी झालेल्या ग्रामसभेत महिलांनी पुढाकार घेत, आता यवतमाळ जिल्ह्यातही दारूबंदी करा, असा आक्रमक पवित्रा घेतला आहे. प्रमुख युतीचे पक्ष भाजप व सेनेच्या जिल्यापदाधिकारयानी दारूबंदीच्या मागणीला पाठींबा दिला असुन उद्या ३०जानेवारीला महात्मा गांधीजीच्या पुण्यतिथीच्या दिवशी पांढरकवडा विदर्भ जनांदोलन समिती कार्यकर्ते व महिला बचत गटांतर्फे  तर्फ़े  व तर सदोबासावली येथे  जनता विकास आघाडीचे प्रमुख व  सामाजिक नेते मुबारक तवर यांच्यासह आदिवासी महिला तसेच  शेकडो  गावात व कोलम पोडांवर उपोषण सत्ताग्रह होणार असुन सरकारने चंद्रपूर सोबतच यवतमाळ जिल्यात दारूबंदीचा जि.आर.अशी मागणी आदिवासी महीला संघर्ष समितीच्या लताबाई आडे यांनी मुख्यमंत्री देवेंद्र फडविसना केली आहे . सरकारने जिल्यातील सुमारे १२०० ग्रामसभेच्या दारूबंदीच्या ठरावाची दखल घेत जिल्यात दारूबंदी लागु करावी अशी आग्रही विनंती किशोर तिवारी यांनी सुद्धा सरकारला केली आहे .    


जिल्ह्यातील गावोगावी खुलेआम दारू विकली जाते. मात्र, पोलिस प्रशासन बघ्याची भूमिका घेत असल्याने 'आधी दारूबंदीबद्दल बोला, नंतर इतर प्रश्न' असा प्रश्नच आता आमदारांना  महिलांनी विचारात आहेत. शेकडो  ग्रामसभेतही संतप्त महिलांनी 'संपूर्ण गाव दारूमुळे अधोगतीला गेले आहे, दारूसोबतच जुगाराचे व्यसनही वाढले आहे. यावर अंकूश नसल्याने आमची तरुण मुले कामधंदा करत नाहीत, दारू पिऊन घरी येतात', करिता सर्वच  गाव दारूमुक्त करण्याचा ठरावच  घेण्यात येत आहे .  यवतमाळ जिल्ह्यात शेतकऱ्यांच्या वाढत्या आत्महत्या लक्षात घेता, केळकर समितीने यवतमाळ जिल्हा दारूमुक्त करा, असा अहवाल दिला आहे. विदर्भ जन आंदोलन समितीनेही या अहवाला प्रमाणे जिल्हा दारूमुक्त करा अशी मागणी केली आहे. जिल्ह्याचे पालकमंत्री संजय राठोड, भाजपचे नेते, भाजपच्या महिला आघाडीनेही यापूर्वी दारूच्या विरोधात रान उठवले होते. आता हेच नेते सत्तेत आल्याने त्यांनी सत्तेचा उपयोग करून यवतमाळ जिल्ह्यात दारूबंदी करावी, अशी मागणी होत आहे.

'दारूबंदी, दारूबंदीतून दारूमुक्ती, या विचारांचा वणवा महाराष्ट्रात पेटवा. नुसत्या वर्धा, गडचिरोली, चंद्रपूर जिल्ह्यात दारूबंदी होऊन चालणार नाही, तर संपूर्ण महाराष्ट्रात दारूबंदी होणे गरजेचे आहे,' हा विचार मांडत 'महाराष्ट्राचा मद्यराष्ट्र होऊ नये', यासाठी  गडचिरोली येथे २७ जानेवारी रोजी आयोजित परिषद घेण्यात आल्याने दारूबंदीची चळवळ सरकारला गंभीरपणे घ्यावी लागेल असा इशारा यावेळी किशोर तिवारी सरकारला दिली आहे .  

महाराष्ट्राच्या युती सरकारने चंद्रपूर जिल्यात दारूबंदीच्या निर्णयाचे विदर्भ जन आंदोलन समितीने स्वागत केले असुन आता यवतमाळ जिल्यात दारूबंदी करा कारण  यवतमाळ जिल्यात दारूबंदी  करण्यासाठी मागील ३ वर्षापासुन जनांदोलन होत असून येथील आदिवासी व शेतकऱ्यांची तीव्र मागणी भाजपने यापूर्वी या मागणीला दिला होता जर सरकारने यवतमाळ जिल्यात दारूबंदी  चंद्रपूर सोबत लागू करावी या  मागणीसाठी  येत्या ३० जाने .ला  उपोषण सत्ताग्रह   करण्याची  घोषणा विदर्भ जन आंदोलन समिती चे किशोर तिवारी यांनी केली आहे . कारण महाराष्ट्राच्या युती सरकारने नुकताच  विधीमंडळाच्या पटलावर  महाराष्ट्राच्या समतोल प्रादेशिक विकासाच्या प्रश्नांवरील अभ्यासासाठी डॉ.विजय केळकर यांच्या अध्यक्षतेखाली उच्चस्तरीय समितीचा फारच प्रतीक्षा असलेला अहवाल सादर करण्यात आला असून त्यामध्ये   यवतमाळ जिल्ह्यात तात्काळ दारूबंदीची शिफारस केली असून ग्रामीण भागातील प्रचंड अडचणी ,आर्थिक संकट व अभुतपूर्व  कृषी संकट यावर केळकर  समितीच्या सर्व  नऊ सदस्य सह  नियोजन विभागाचे अपर मुख्य सचिव के.बी. बक्षी यांनी शेतकरीनेते किशोर तिवारी मोहन जाधव व शेकडो शेतकरी विधवा व  गावागावातील महिलांनी दारूच्या विरोधात एल्गार पुकारत रस्त्यावर उतरुन आंदोलने करीत असलेल्या माय बहीणीची हाकेला दाद देत हि शिफारस  केली असुन महाराष्ट्राच्या मुख्यमंत्र्यांनी या  डॉ.विजय केळकर  समितीच्या यवतमाळ जिल्ह्यात तात्काळ दारूबंदीची शिफारसीची  बजावणी तात्काळ करावी अशी मागणी यवतमाळ जिल्या  दारूमुक्त करण्यासाठी २०११ पासुन  परोमीता गीस्वामी यांच्या नेतृत्वात आंदोलन करीत असलेल्या कृती समितीच्या संयोजक किशोर तिवारी यांनी केली आहे .
३० जोनेवारी २०११ला यवतमाळ जिल्यातील हजारो महिलांनी जिल्यात संपुर्ण दारूबंदीसाठी  पांढरकवडा येथे मेळावा तर २०१२ मध्ये मार्च महिन्यात यवतमाळ येथे जिल्हाधिकारी कार्यालयासमोर धरणे देऊन आपली मागणी  रेटून धरली होती व तत्कालीन जिल्हाधिकारी संजय देशमुख यांनी यवतमाळ जिल्ह्यात दारूबंदीची शिफारस केली होती व आता त्यामुळे शासनाने यवतमाळ जिल्ह्यात मद्यविक्री व मद्यपान यावर बंदी घालण्याचे धोरण स्वीकारले पाहिजे, अशी शिफारस करताना केळकर समितीने करून सरकारने यवतमाळ जिल्हा मद्यमुक्त घोषित करण्याची अपेक्षा व्यक्त केली आहे, महाराष्ट्राच्या मुख्यमंत्री देवेंद्र फडणवीस ,सुधीर मुंगणटीवार यांनी विरोधीपक्षात असतांना  जिल्यात संपुर्ण दारूबंदीच्या मागणीला पाठींबा दिला होता आता त्यांनी तात्काळ संपुर्ण दारूबंदी लागु करावी अशी विनंती किशोर  तिवारी यांनी केली आहे . 
संपूर्ण यवतमाळ जिल्यात महिलांनी संपुर्ण दारूबंदीसाठी आंदोलन सुरु  केले  त्यातच आता शासनाने नेमलेल्या डॉ. विजय केळकर समितीनेही यवतमाळ जिल्ह्यात दारूबंदीची शिफारस केल्याने महिलांच्या या आंदोलनाला मोठे बळ मिळाले आहे. दारूबंदीसाठी पुढाकार घेणार्‍या महिलांवर प्राणघातक हल्ला सारखेही प्रकार घडत आहे. त्यामुळे त्यांच्या चळवळीला ब्रेक लागण्याची शक्यता नाकारता येत नाही.  आघाडी सरकारमध्ये तर परवाना प्राप्त दारू पिणार्‍यांना जणू सुरक्षा कवचच पुरविले गेले होते. दारू पिलेला व्यक्ती कुठे आढळून आल्यास त्याच्यावर कारवाई न करता त्याला सुखरुप घरी पोहोचविण्याचे शासनाचे निर्देश आहेत. दारूची विक्री वाढावी, त्यातून अधिक महसूल गोळा व्हावा यावर नियंत्रण ठेवण्यासाठी शासनाचा खास राज्य उत्पादन शुल्क विभाग कार्यरत आहे,हि पुरोगामी युती सरकारला शरमेची बाब आहे . 
 तरुण पिढीत व्यसनाधिनतेचे प्रमाण वाढत आहे. मुले दारूच्या आहारी जात आहे. दारूमुळे सुखी संसाराची रांगोळी होत आहे. सहज उपलब्ध होणारी कमी पैशातील दारू हे यामागील प्रमुख कारण आहे. पोलीस व प्रशासनाने संरक्षण दिल्याने गावागावात दारूच्या भट्टय़ा पेटविल्या जात आहे. या दारूच्या विरोधात गावागावातील महिलांनी आक्रमक भूमिका घेतली आहे. परंतु ज्यांनी कारवाई करायची त्यांचेच छुपे पाठबळ असल्याने न्याय कुणाकडे मागावा असा प्रश्न महिलांपुढे निर्माण झाला आहे. अखेर या महिला रस्त्यावर उतरल्या आहेत. त्यांनी जिल्हाधिकारी, पोलीस अधीक्षक कार्यालयावर मोर्चे काढले आहेत. काही ठिकाणी तर महिलांनी स्वत:च दारूच्या भट्टय़ा नेस्तानाबूत केल्या. दारूचे हे साहित्य ट्रॅक्टरमध्ये टाकून जिल्हा पोलीस अधीक्षक कार्यालयावर धडक दिली. दारूविरुद्ध आंदोलन करणार्‍या या महिलांना दारू माफियांकडून धमक्याही दिल्या गेल्या. काही ठिकाणी हल्लेही केले गेले,हि शोकांतिका किशोर तिवारी यांनी मुख्यमंत्रा समोर ठेवली आहे

No comments: